喺IG大方認愛：「在這裡回答大家。是，我們在交往中，希望大家可以祝福我們！」恭喜哂啊～兩個都係混血兒、兩個都一樣姓！真係超襯～有人仲透露見過佢專登接女友收工，女方係高學歷一族，爸爸同細佬係香港。。。
噚日崔建邦（Amigo）俾《蘋果》讀者透過爆相爆片，喺油麻地直擊佢同長髮新歡喺油麻地碧街拍拖買咖喱，事後Amigo大方喺ig認愛，佢話：「謝謝一眾朋友和傳媒對我感情生活的關心，在這裡回答大家。是，我們在交往中，希望大家可以祝福我們！」
戀情曝光後，《蘋果》先後收到唔少讀者嘅報料，Amigo嘅長髮新歡火速被起底，本身係中、韓及菲律賓混血兒嘅Jessica Vivian，與同為中、韓混血兒嘅崔建邦一樣姓崔，今年大約係30歲，Jessica Vivian分別喺ig同fb等社交網站中，介紹自己係一名愛好美食者兼寫作家，同時亦有寫美食blog兼喺Ig貼佢嘅飲食圖片。
Jessica本身係高學歷一族，喺女拔萃畢業，之後喺香港大學以雙學士畢業，當中主修英國文學，o依家喺一間中學任教，仲係英文科主管。佢嘅爸爸亦都來頭不小，佢爸爸係香港劍擊隊領隊崔潤儀，屋企有一對龍鳳胎弟妹，弟弟崔浩然更加係現役香港代表隊劍擊運動員，身為家姐嘅Jessica，亦都有喺網上分享細佬嘅報道。
與此同時，亦都有讀者報道表示任教英文嘅Jessica，喺學校係一個非常好嘅老師，受到唔少同學嘅愛戴，同同事之間嘅感情都好好，據知佢有同幾個傾得埋嘅同事提過呢段戀情，言談間佢透露同男友、以及男友嘅前女友嘅關係糾纏咗超過一年，不過崔建邦對佢都好好，見過佢專登接女友收工，但係唔知係咪冇諗過咁快公開，所以Jessica睇完報道有啲唔開心。
據知情人士透露，佢哋喺係朋友嘅聚會認識，雖然Amigo嘅戀情一直都好多姿多采，不過佢好認真對待每段感情，只不過最後都唔可以有結果，唔知今次亦佢可唔可以打破宿命，令到呢段情開花結果呢？
(蘋果日報)
