無綫名司儀主持陳芷箐一向超高EQ，就算係拍攝直播節目都難唔到佢！間中仲有拍下劇集添！
《天與地》
自2009年，每日下晝播放嘅《今日VIP》就係陳芷菁嘅代表作，至今已經訪問咗好多名人明星！甚得人緣！但今日……
組合農夫成員C君同陸永深受觀眾喜愛，近日仲擔正為無綫平台Big Big Channel拍攝網劇《西遊之八戒與沙僧》，最新一集講兩位神仙下凡，接受《今日VIP》主持人陳芷菁訪問，期間大爆爛gag，搞到好有經驗嘅陳芷菁都冇晒符。
一開始陳芷菁用「西遊記嘅配角」嚟介紹農夫，令C君好不滿，仲即時話自己係主角，反而唐三藏只係負責被人呃同被人食，所以佢先係配角，嚇到陳芷菁口窒窒唔識反應。之後農夫把握機會宣傳，話不時會喺網上開直播，希望粉絲送多啲禮物畀佢哋，陳芷菁見狀即刻阻止佢哋話唔可以賣廣告，但農夫一於少理繼續講，令陳芷菁不知所措。
最後農夫即場爆肚，話不如將《今日VIP》改做《尋日RIP》，悼念死咗嘅先人，C君仲愈講愈興奮，話可以開埋《後日轉IP》，令場面一度混亂。
農夫不受控制，搞到陳芷菁都不知所措。
而陳芷菁錄完節目之後嬲到震，大鬧導演搵兩個「騎呢怪」扮神仙，仲嬲到衝出錄影廠，不過其實呢啲都只係劇集效果。唔少網民就大讚農夫搞笑，仲提議之後可以搵嘟嘟客串。
最後陳芷菁仲嬲到衝出錄影廠添！
網民有話兒：
NxmChxx xo：佢哋真係超好笑！
Shxxxxn Lxxm：真係得DO姐先壓得住佢兩個！
Mxxxel Txx：隔幾秒就一個Gag，轉數勁快
Ax Wxxi：不如搵DO姐做觀音娘娘啦HAHA
（on.cc）
