藝人宋熙年（Sarah）到旺角為活動擔任司儀。問到佢懷孕情況？Sarah笑言現在是蜜月期：「都冇乜點唔舒服，冇真係嘔，BB都算乖，錫媽咪。依家情況穩定咗，BB體重又未算好重，所以都舒服嘅。」Sarah又透露下月初做產檢，有機會知道BB性別，宋媽媽最為緊張，她笑說：「希望BB體重夠，同埋肯畀我哋睇， 咁我知道後會第一時間通知大家。（朋友開盤估仔定女？）可能都會，我哋就唔緊要，始終係第一個，第二個就會希望湊到好字。」
她穿上兩吋高踭鞋亮相，問老公陳智燊有否投訴？Sarah笑言：「上次佢一知就詐型喇！所以我今次都乖乖哋着平底鞋帶高踭鞋嚟換，咁我哋工作都要尊重場合同埋貪靚，早前選購咗嘅矮踭鞋都可以上場喇。（出門前畀老公過目？）又冇，佢都係提我行動小心啲、慢啲，反而呢樣都排到最後，我自己着衫都好有主見嘅。」
(on.cc東網)
