46歲嘅朱茵噚日到台北出席活動，着上紅色晚裝配上約3億5300台新台幣(近億港元)嘅珠寶出場，閃爆全場。一向好少公開提及老公黃貫中嘅朱茵，亦大方放閃，話老公由交往時已經開始買珠寶送俾佢，而且仲要係每年越買卡數就越大，朱茵仲話：「戴珠寶都是要給老公看，去拍拖一定會戴，在他身邊，我戴特別多」，呢番話俾佢身上嘅珠寶更閃呢！
朱茵話，老公黃貫中都會揀好珠寶喺佢生日或者一啲紀念日子直接送俾佢，而佢亦唔會話唔鍾意，佢笑言：「因為說不喜歡，就怕未來沒珠寶收。」朱茵話，同黃貫中由交往時嘅第一個情人節，已經送手鐲俾佢，當時佢仲取笑老公話佢想用個手鐲嚟鎖住佢。至於當時嘅回禮，朱茵就話係一盞玻璃燈，除有一片光明嘅意思外，燈仲對佢作詞、畫畫都好有幫助。
已經46歲嘅朱茵，依然保養得宜，問到佢嘅保養心得，佢坦言秘訣就係「保持開心、開朗」，佢仲話為咗俾囡囡正能量，自己亦要擁有正能量，佢認為正能量就係最好嘅抗氧化物品。
朱茵囡囡超得意呀！
(Apple Daily)
