產後極速修身！近日佢產後所住嘅坐月中心就受到關注。據悉該坐月中心堪比7星級豪華酒店，對BB及媽媽嘅健康護理都相當用心，唔止有24小時看護系統睇住BB，仲有專業導師教嘅瑜伽、普拉提等課程，畀媽媽產後修身，可以話係設備齊全。。。
韓國女星金泰希去年初與韓流天王Rain拉埋天窗，同年10月誕下寶貝女，而金泰希亦已經休養完，於上月29號踏入38歲生日時復工，產後首度露面撐代言品牌。近日，金泰希產後所住嘅坐月中心就受到關注。
據悉該坐月中心堪比7星級豪華酒店，對BB及媽媽嘅健康護理都相當用心，唔止有24小時看護系統睇住BB，仲有專業導師教嘅瑜伽、普拉提等課程，畀媽媽產後修身，可以話係設備齊全，而該坐月中心費用亦唔平，有指喺中心住2周就要花2,000萬韓圜(約14萬6,365港元)，推斷Rain夫婦一個月就花28萬，可見兩人都相當大手筆。
同時又有報道指，金泰希離開坐月中心後仍聘用該中心嘅專業人士繼續進行個人管理，包括特定嘅運動、特別製作嘅三餐，所以就極速回復生B前嘅狀態。另外，Rain噚日喺Instagram上載自己下廚煎牛扒嘅片段，並寫道「Homemade」，唔知係咪下廚畀老婆？
(蘋果日報)
