吳鎮宇、張智霖（Chilam）、胡杏兒、古天樂上月為邱禮濤執導嘅電影《暗黑者》宣傳，當日佢哋透露電影會喺今個月開拍，Chilam飾演差人，胡杏兒就係Chilam女友。
當時Chilam及鎮宇正為電影開工。（Kenlee Lee香港突發事故報料區）
Chilam同鎮宇今日就喺深水埗北河街開鏡拍攝，不過期間有一後巷嘅雜物埋突然起火，着住避彈衣嘅Chilam同鎮宇都要返去安全地方。
至於Chilam女友胡杏兒就向《蘋果》報平安表示：「我今日冇拍，只係喺帳篷同導演傾角色，我見到警車同消防車。」據知今日拍攝場口係張建聲被炸彈綁實，張智霖同吳鎮宇趕往勇救。
警員及消防員接報調查北河街一單縱火案。
製作《死亡通知單：暗黑者》之中國3D數碼娛樂負責人今日回覆《蘋果》：「今日我哋喺北河街拍戲，拍拍吓見到有火燭車停咗喺度，原來現場樓上發生小火，當時劇組喺街頭拍緊嘢，見咁嘅情況都有停機，大家就放埋lunch先再拍番。我哋唔清楚起火原因，但對拍攝冇任何影響。」
吳鎮宇都有在場拍攝電影
Chilam劇中女友唔使開工，但有到場傾角色，佢報平安表示見到警場同消防車。（資料圖片）
(Apple Daily)
