馬德鐘拍劇無數，同太太結婚差唔多25年，曾與太太經歷多次婚姻危機…
結婚當晚的照片 （資料圖片）
他曾與郭羨妮、葉璇、佘詩曼等傳過緋聞。
郭羨妮
佘詩曼
生意難撈，「馬神」馬德鐘前年喺尖沙嘴同屋企人斥資7位數字開咗日本餐廳，生意唔錯。食髓知味，馬神舊年7月再喺紅磡黃埔開蠔吧兼酒窖，有指投資千萬重本。開幕當日，更係星光熠熠，莊思敏、歐陽妙芝、周家怡、范振鋒、陳山聰、向海嵐同陳爽等撐場。不過蠔吧同酒窖本月已「摺埋」。
蠔吧同酒窖開業唔夠一年，馬神孖太太張筱籣今日凌晨喺facebook宣布結業，並留言：「#結業通知#
由2018年4月1日開始我司在紅磡黃埔九號水產911及912店舖屬下之食肆「Oyster Nest 蠔窩」及零售「Wine Nest 酒窩」品牌及業務已正式結業及撤離上址，舖位亦已頂讓給其他公司經營，日後上址之所有業務及舊員工與我本人無關。感激大家過往對我們的支持！」
傳媒致電馬神，佢簡單答：「依家喺飛機上，返嚟一次過回應，點解發呢個消息係費事朋友落去搵我哋，有事處理中。唔該！」
馬神孖太太張筱籣今日凌晨喺facebook宣布結業
(Apple Daily)
