日前下晝近4點，商台DJ阮小儀孖高大靚仔現身大坑，靚仔比小儀高成個頭，兩人喺附近周圍行搵食肆嘆下午茶，最後揀咗一間粉麵店，小儀背向路人坐低睇餐牌，個靚仔就企後面。
之後兩人各自叫嘢食，雖然有個俊男坐喺隔離，但小儀都唔顧儀態係咁食嘢，兩個有講有笑好好傾，半粒鐘都冇乜停口。
最後由高大男埋單。
記者致電問小儀係咪拍拖？佢大笑：「唔好玩啦，嗰個係我嘅節目《咪芝蓮》監製嚟㗎，我好勤力㗎，去大坑食店錄節目呀。」《咪芝蓮》係一個「搵食」節目，小儀不停去捐
窿捐罅搵好嘢食，問到係咁食怕唔怕越嚟越肥？小儀坦言：「當然怕肥啦，每次所以都就住食。」
(APPLE DAILY)
