一眾女神隆重現身唇膏品牌活動，包括袁澧林、王敏奕、陳嘉寶和蔡穎恩等人。
王敏奕同袁澧林兩位女神都表示，就算好多品牌會送唇膏比她們，但自己都會用錢買啲自己鍾意嘅系列，袁澧林更稱：「高峰時屋企有300支唇膏。」
袁澧林
而當問到女神感情時，Angela竟然面帶傷心，原來剛剛跟男朋友分手了，她說：「最近回復單身，都係呢一個月嘅事，佢唔係行內人。分手係大家一齊坐低傾，成個過程好和平，大家都同意分手，可能大家而家階段唔同，需要嘅野可能唔一樣。」除了臉上透出不開心的表情，其實Angela也明顯消瘦了，問到係咪因為失戀所以令到自己暴瘦，Angela表示：「我又唔會特別咁講嘅，不過周邊嘅朋友都咁認為，咁可能係啩。」
早前替快餐店拍攝情人節廣告
幾年前新年糕點廣告一炮而紅，繼而陸續踏入正式娛樂圈，開始拍劇拍電影。
失戀時期每個人渡過的方法都唔一樣，Anglea就透露：「最近每日都纏住朋友，拉咗佢哋陪我去昂船洲度尖叫。」睇黎Angela有好朋友陪伴，失戀呢個關口應該好快渡過。但講到她失戀可能對於想追求Angela嘅粉絲係一件好消息，Angela笑住回應話：「唔知道呀，但相信大家對於我冇拍拖都會替我高興。」講到最後都係最緊要生活過得好。
陳嘉寶
(HK01)
