謝天華今日獨自現身曾志偉生日會，早前佢宣佈再為人父，問到佢太太陀B佗成點，謝天華話：「今次同第一胎狀況唔同，作嘔作悶多咗。」問到佢會唔會抽多啲時間陪太太？謝天華話：「唉，冇辦法呀，近日我都要走嚟走去，飛去第二度拍嘢，但拍完都即刻返嚟。」
咁知到BB性別未？謝天華話：「未知，就算係都係好細條，都未睇得好清楚，我係指佢啲手指仔腳趾仔好細。」問到佢想生仔定女？謝天華坦言：「咁到我呢個年紀都唔會揀。」提到太太陀B幾耐，佢話：「講得嘅都已經過咗安全期。」咁BB係咪意料之內嘅？謝天華話：「係精算師計算之內，（咁夠皮未？）如果真係有，再多個都OK，不過都要睇媽咪嘅身體狀況，都唔想媽咪太辛苦。」
謝天華話老婆呢胎嘔得好嚴重。（資料圖片）
(on.cc /appledaily)
