近日在電台錄音訪問中，談及當年王征在亞視主政後期，他亦曾面對現實，試過搭路跳槽，但結果被直指「重亞視味」而遭嫌棄，曾效力「舊亞視」28年的「肥仔賢」劉錫賢說：「最低潮時其實有想過走，有幾次試過與TVB傾過，都有朋友話『喂，有冇興趣過嚟啊？』最初都唔知點解，之後就冇下文。樂小姐（樂易玲）我就真係冇見過，但喺亞視出事之前，我都搵過一啲好朋友，因為始終都要諗一諗之後嘅路應該點行，就睇吓可唔可以搭路（跳槽），點知得到回覆係『佢嗰陣亞視味好重喎！好難洗喎！』對方講咗呢啲說話後，萬綺雯、江美儀、陳煒其實都入晒TVB，哈哈。」
劉錫賢接受電台訪問。
陳煒自入職無綫以來，拍過無數入屋角色，最近在《果欄中的江湖大嫂》更成爲女主角！
田蕊妮連視后都拎埋！
曾服務過多代亞視老闆，劉錫賢坦言最欣賞已故前亞視老闆林伯欣，但談到末代的「王征時期」，他承認王征害死亞視：「我覺得王征害死亞視係真嘅，佢有本身嘅理想，抱負或者好大，但好可惜佢嘅做法唔係常人可以理解。」
因暴肥患慮病症
劉錫賢於節目中公開自己現時重達278磅，他嘗試過減肥，但因工作太忙總不能成事，他指美食帶給他工作能量，但亦因肥胖令身體敲響警號，「係試過因為肥患咗慮病症，係抑鬱症嘅一種，經常以為自己就快死。依家Keep住Body Check，我係有糖尿病、高血壓、高膽固醇『三高』。我有諗過減肥，減吓，然後放縱，又肥番。肥咗又再減，減完又肥番。依家就希望起碼可以Keep到依家嘅體重，當然可以再瘦啲就更好，但因為工作實在係太多，所以冇辦法。工作時係需要多啲Energy，唔食嘢會冇力，所以一定要食！」
(on.cc)
