台灣天王周杰倫（周董）早前就喺澳洲悉尼舉辦完演唱會，身為廿四孝老公兼爸爸嘅周董就帶埋老婆昆凌同大女小周周（Hathway）留喺當地度假。
連日嚟周董同昆凌都喺社交網甫出唔少度假嘅相，而其中一張昆凌着住條鬆身裙影同囡囡影嘅相，仲畀網民話佢第三度懷孕添！
周董今日喺社交網甫出同昆凌嘅合照，佢留言：「Basquiat everywhere！」相中見佢哋兩公婆身處喺運動場內睇運動會，而昆凌笑笑口咁挨落周董嘅膊頭，睇見都覺得好Sweet呀！
另一邊廂，昆凌亦有甫出喺場內嘅短片，片中就見佢影住頒獎嘅過程，而且喺片中寫下「4*100M MEN’S RELAY」，睇嚟佢哋兩公婆都睇到興奮咁喎！
(on.cc東網)
