上月突然宣布今日要同圈外男友結婚，好多同佢合作過嘅藝人都有出席～有人仲影低新郎新娘情深錫錫嘅一刻，真係望見都覺得超幸福！仲有男歌手獻歌比一對新人，婚禮上充滿笑聲，場面溫馨美滿～新娘更喺現場大晒幸福笑容，恭喜恭喜！
現年28歲嘅韓國女諧星安素美(音譯)，上月宣佈於今日嫁拍拖約1年4個月嘅圈外男友，獲男歌手K.Will獻唱祝歌，至於同佢一齊合作喜劇節目《搞笑演唱會》嘅其他諧星藝人亦有到場祝賀。
婚禮開始前，身穿婚紗嘅安素美率先現身見傳媒，不過因為考慮到老公係圈外人嘅關係，所以得新娘子獨兒現身，而安素美亦喺現場大晒幸福笑容。婚禮上充滿笑聲，安素美表示：「會同老公好似《搞笑演唱會》咁有趣、開心地生活。」
獲粉絲送上祝福，而安素美嘅髮型師好友建熙亦喺Instagram上載咗一對新人深情咀嘴嘅相。
安素美於2009年透過喜劇節目《搞笑演唱會》出道，之後演出過多過綜藝節目，更於2015年發行Trot歌曲《一杯酒》加入歌手行列，其美貌亦獲觀眾封為「最美女諧星」。
(蘋果日報)
