台灣女星徐熙媛（大S）第三度懷孕，但41歲嘅佢早前曾因為癲癇復發暈倒要緊急送院，令唔少粉絲都擔心佢身體狀況！雖然有咗BB，但大S之前接落唔少工作，所以決定「B照佗工照開」未有停工打算，前日佢就上載開工相，度完假嘅佢即刻復工，今日凌晨佢就喺微博發文笑言「自找的」，叫大家祝福佢咁話！
佢留言：「做人我討厭無聊，演戲我專挑特殊題材。因此，老天跟我標上了！今後的日子⋯⋯也只好過關斬將了。自找的，不需同情，祝福我，好嗎」
網民都紛紛留言祝佢一切順利：「祝福你！祝你三胎順利生產祝你生產後早點恢復健康瘦的身材」，相信呢個都係大S嘅願望呀！
(on.cc東網)
