由藝人轉成為鐘錶界女強人的黃依汶（Emme、前名黃伊汶）出席選美活動，大談選美標準，有份擔任評審的她認為女性應該各方面取得平衡，外表、談吐及思想都十分重要：「作為女性其實係要終生學習。」
談到好友鄭希怡（Yumiko）日前為囡囡梁浸浸舉行生日派對，Emme透露囝囝陳真初時不願穿上與壽星女的Bieber情侶套裝，扭計兼爆喊：「同佢平時style唔同，我好少幫佢着到紅紅綠綠！」
她又自爆前一天在好友兒子生日會上偷了牛型汽球送給梁浸浸：「本身想再偷多啲，不過同朋友夾手夾腳搬隻牛已經好困難，哈哈！」
她坦言現在十分享受與好友們舉行的親子活動：「大家都有小朋友，幾家人一齊出埠旅行好perfect（完美）。我諗起3月陳真生日去日本旅行，我同老公（陳國坤）凌晨3點砌個雪人送畀個仔，Yumiko話我使唔使咁誇張。嗰日知道Yumiko漏夜幫個女布置生日會，我同番佢講，佢終於明，做家長可以做好多嘢，都係為咗搏小朋友一笑！」
(on.cc東網)
