「大美人」李嘉欣（Michele）出席鐘錶品牌活動，她指因小朋友最近入了小學，所以自己都是忙於有關小朋友學習等的私人事情，自己亦享受當中的過程，她說：「我有時都要備吓課，同埋老師有時畀小朋友嘅工作要我同小朋友一齊做，搞到自己好似讀第二次小學。（啲功課係唔係難咗？）難過以前囉。（兩公婆教小朋友有冇衝突？）有嘅，我都好無奈，不過我希望佢會理解我都係緊張小朋友，暫時冇太大影響。（有冇諗住搵補習老師？）暫時未搵，不過我都驚有啲學校嘢唔明，所以都想搵個人幫吓手。」Michele透露最近與母親和兒子趁復活節假期去了日本大阪旅行，大讚當地天氣非常好，以及因櫻花盛放而變得非常美麗的風景。
托助手送祝福
提及黎明即將做爸爸，Michele表示有留意報道，並表示恭喜黎明。問她是否有打電話或傳訊息祝福黎明？Michele笑言：「呢啲咁私人嘅時刻唔多想騷擾佢，佢助手之前問我其他嘢，我有托助手祝福佢。（你買定禮物未？）唔使買定啦，到時先再諗。（遲吓會唔會過啲育兒資訊畀黎明？）依家啲資訊咁發達，唔使我呢啲老手畀資訊佢啦，最緊要有愛就夠。」
未打算追女
Michele表示現時在家中飼養了兩隻寵物，分別是一隻狗仔和一隻貓女。她指老公喜歡狗仔，自己和兒子則喜歡貓女：「有時老公話我抱起隻貓嘅時候，好似生咗個女，跟住囝囝有時亦會抄我咁做，又會話自己都好似生咗個女咁。（你自己有冇諗住追多一個？）呢啲嘢順其自然，依家養住寵物先。」
(on.cc東網)
