藝人胡杏兒去年底誕下囝囝Brendan，眨吓眼Brendan已經半歲大，認真時光飛逝！杏兒喺Instagram上載囝囝嘅近照，見Brendan細細個已經識擺甫士，對住鏡頭擘大口扮驚訝，仲見佢手仔好有肉地，相當之Cute！
杏兒亦大爆囝囝重廿磅好聚手，佢寫道：「一眨眼，我已經六個月了，謝謝所有Auntie uncle的祝福，我現在身高70cm，體重20磅，醫生說我很健康，也要謝謝奶奶媽媽和爸爸把我照顧得這麼好，我現在喜歡看書書，聽歌歌和最喜歡吃粥粥！」
而杏兒老公Philip（李乘德）就上載另一張照片，Brendan坐喺度笑得非常開心，佢話囝囝成長過程好順利，瞓得食得又屙得，又樂天好少會投訴，仲成日笑添！網民都留言大讚Brendan好可愛，眼仔睩睩似足爸爸！
(on.cc東網)
