佢話佢就係靠呢幾種食物，令佢喺兩個月內勁減51磅，仲誇口話：「盡情吃自己認為唔會肥嘅食物！」噚日佢就喺節目中首次披露佢呢種減肥法，同時公開咗佢屋企雪櫃，基本上雪櫃內就幾乎全部都係個五種食物，當中包括Zero Coke、豆奶。。。
韓國男團Super Junior（SJ）嘅32歲成員神童一向係隊中體重最重一個，佢高峰期體重超過255磅，係偶像男團中最重一個。
近年神童一直積極減肥，喺噚日播出嘅節目《拜託了冰箱》中，神童就透露佢用咗兩個月內減去近51磅，目前體重約204磅，仲話研究出「自主分配節食法」，當中食用五種唔同嘅食物，又唔會令佢變肥。噚日神童就喺節目中首次披露佢呢種減肥法，同時公開咗佢屋企雪櫃，基本上雪櫃內就幾乎全部都係個五種食物，當中包括Zero Coke、豆奶、吞拿魚罐頭、軟糖及聲稱會令人飽肚嘅羅勒籽糖。
神童話佢就係靠呢幾種食物，令佢喺兩個月內勁減51磅，仲誇口話：「盡情吃自己認為唔會肥嘅食物！」意下之言即係靠「念力」減肥？而神童亦有喺Instagram公開雪櫃及佢瘦削不少嘅相。
(蘋果日報)
