原來已經換咗畫同緊佢蜜運！早前有媒體爆出原來佢低調離婚，其後佢都承認已經離婚，但估唔到今日再被爆料，據報章指，成為單親媽媽嘅佢原來已火速換畫，知情人士更指佢蜜運熱戀一名年輕。。。
被爆已在數月前低調離婚，今日就有傳媒爆料，35歲日本女歌手宇多田光已另結新歡，現任男友係個年輕音樂人，引起網民及歌迷追查男方嘅真正身份。
光妹與年輕8載嘅意大利籍丈夫Francesco Calliano離婚收場，佢同導演紀里谷和嘅首段婚姻都只得4年半，據日本報章指，成為單親媽媽嘅光妹原來已火速換畫，知情人士爆料指佢蜜運熱戀一名年輕音樂人。
光妹轉投Sony Music後將在今年發行新碟，又會為本月開播新劇《花過天晴~花男Next Season》包辦主題曲，佢今年仲轉型成為唱片監製，替26歲男歌手小袋成彬監製本月底嘅出道專輯《分離派之夏》，由於光妹十分提攜小袋成彬，上張專輯已搵呢位毫無知名度嘅新人合唱，令人懷疑小袋成彬就係其新歡。
(蘋果日報)
