藝人楊思琦與女兒及親朋齊齊上星夢郵輪玩，期間，思琦更自拍多張靚相，大晒腹肌及美好身段。思琦接受東網獨家訪問時，坦言自己今次是第一次上郵輪，之前女兒跟其母都上了一次，但剛巧當時思琦要工作，故無緣同遊。
思琦笑言今次大部分的相都是Photo by CK，她謂:「大部分啲相都係我自己影，我同行有啲女仔朋友同Family，有啲係啲女仔朋友幫我影，小朋友喺船上面一齊玩，大朋友又可以自己做乜都得，大家都好Relax。」思琦指船上很多不同玩意，有好多適合小朋友的趣味課堂及小玩意，又有水上滑梯、攀石及魔術、歌舞表演等。
其中有兩日，大家又於日本沖繩落船觀光及吃東西。
問到思琦為何可以Keep得咁Fit而且還有腹肌時，她笑言:「成日頻頻撲撲都消耗好多，唔會太肥，平時都唔會做好多運動，都係做啲伸展運動同踢吓腿，不過自己都好容易有肌肉，之前有幾舊，仲結實啲添！而家有幾舊腹肌BB都好開心。」
(on.cc東網)
