名媛楊張新悅出席活動，有6個月身孕嘅佢啱啱從雲南麗江返港，佢表示旅行期間妊娠反應唔多：「個人會攰啲，不過呢段時間身體狀況幾好，旅行時我都冇乜嘔。聽日我會同屋企人再飛台灣，長途旅行較辛苦去唔到，短途旅行好似台灣都仲應付到，依家有時間都盡量陪屋企人去旅行。」
懷第四胎的楊張新悅又透露今胎打算餵母乳，但甚有經驗嘅佢坦言會有壓力：「能夠餵到BB就盡量餵，但都會有壓力同擔心，而且愈有壓力（母乳）就愈出唔到嚟。（叫老公學定催乳按摩手勢？）叫佢對我好啲，唔好畀咁大壓力我就得啦！」
此外，楊張新悅透露坐月期間想好好休息，所以叫咗老公到時帶囡囡去旅行：「上一胎嘅經驗係兩個女見到BB同我好興奮，每隔5秒就入嚟我間房。同埋佢哋喺出面玩好嘈，有時又要調停佢哋兩姊妹嘅小爭執，變相我冇得休息去恢復身體。不如佢哋到時去旅行玩，我就專心休息同湊BB。」
(on.cc)
