歌手雨僑同羅力威早幾日拉埋天窗，點知未夠一個禮拜，雨僑就發現老公有個「驚天大秘密」瞞住佢。
雨僑喺社交網爆料話近日忙於工作，一直未有時間執屋，但要將兩個人嘅嘢放入一間屋時，先知原來羅力威有成千對波鞋同Figure，仲有好多雜物，搞到雨僑好煩惱。不過好彩雨僑都有自己一套執嘢大法，順利執好間屋，而最後雨僑補飛話佢講到自己好似冇雜物咁，但其實唔係嘅，佢話自己都有好多Figure㗎，算係還老公一個清白啦！
雨僑留言
佢話：「最重要又最困難的是兩個人都要把自己的東西塞進同一個屋子裏，@adasonlo 的一千對波鞋 (是不是每個妻子都會發現老公的鞋原來也不少？)、Figure，我的邀約産品和 @ava.liu 的拍攝用貨物、十萬種茶和咖啡、超多㕑具，都要找地方安置。好慶幸早年學會了「斷、捨、離」收納術，不然我外遊工幹前這幾天別妄想可以完成Move in了。」
(on.cc)
