歌手吳雨霏（Kary）2月嘅時候喺社交網宣布造人成功，依家都暫時停工休息。
不過成日喺屋企休息都會悶，Kary今日就喺社交網上載多張去咗主題公園玩嘅相，開心咁話：「自從十月初探訪之後每日都好掛住佢地（哋），終於等到佢哋嚟香港喇！好多小朋友都係第一次出國，見到佢哋玩得咁開心，我個心都溶咗。」
原來佢同一班之前探訪過嘅蒙古小朋友一齊玩，佢坐喺地上時個肚凸晒出嚟！
雖然粗身大細，但肚凸凸嘅Kary玩得相當自在又開心，同一班小朋友擺晒甫士，仲攬住佢哋，可能Kary就嚟榮升人母，對住小朋友嘅眼神都充滿愛，啲母愛出晒嚟呀。
不過唔少網民都叮囑Kary要玩得小心啲呀！
(on.cc東網)
