歌手羅力威和雨僑昨日舉行婚禮，兩人中午在淺水灣進行註冊儀式，並與親友、同事、同學及圈中好友等共進西式午餐，晚上則到酒家筵開16席，宴請雙方家人、至親及長輩。
晚宴完美結束，一對新人回家後竟發生「撈亂鮑魚」事件，羅力威說：「發生咗段小插曲，夜晚兩、三點返到屋企好肚餓，雨僑煮個麵畀我食，諗住簡簡單單開罐平嘅鮑魚，煮完出嚟原來開咗我罐『鎮山之寶』，因為隻鮑魚好大隻，我哋兩個又食唔晒，跟住佢覺得自己好似做錯事，喊住食咗個鮑魚公仔麵。好搞笑呀，全日大家都開開心心，估唔到夜晚喊住瞓。」
雨僑就話：「我喊到成個小學生抽搐咁樣，我覺得好對佢唔住，開咗佢罐『鎮山之寶』。其實我覺得好唔好意思，因為一返到屋企我好想慰勞吓老公，煮個麵畀佢食，點知煮出嚟隻鮑魚仲大過佢碗麵，大家又食唔晒。搞到依家成個禮拜都要食鮑魚，佢依家一起身就要食鮑魚啦。」
一對新人向羅力威父母敬酒。
(on.cc)
