藝人岑麗香（香香）、朱千雪、張名雅、區永權、岑杏賢（Jennifer）及陳國峰等到荔枝角出席《big big channel x Think Big！Workshop》復活節活動，香香見到現場小朋友即笑逐顏開，司儀問一位小女孩最愛玩甚麼，她笑說：「最鍾意玩香香公主！」笑爆全場！
被小朋友講食檸檬
香香笑言被小朋友當公仔玩很開心，平日也很高興跟小朋友合作，問到有何招數氹他們？她說：「BB比較易氹，我有招數，畀佢哋坐大髀就OK，等佢舒服啲。（有冇食過檸檬？）有呀！小朋友好直接，請佢哋食嘢唔鍾意會直接講。」
生B順其自然
問計劃何時生BB？香香說：「我仲係細路仔，都要學吓點湊，啲未生嘅朋友叫我快啲生，但生咗嘅就叫我考慮清楚，因為人生會180度改變，要全力照顧人仔。（鍾嘉欣有冇鼓勵你生？）佢有分享佢好開心，其實我去到邊都畀人叫我快啲生，去街市買餸，啲阿姐都催我，其實真係要順其自然。」
(on.cc東網)
