歌手古巨基就嚟開演唱會喇，最近佢四出為個唱宣傳，早前仲突襲《東張西望》錄影廠做主持，回憶吓當年佢做娛樂新聞節目《娛樂新聞眼》主持時嘅情景。
開心事梗係唔好畀佢停啦，基仔呢日就相約一班《娛樂新聞眼》嘅台前幕後飯敍，最令人驚喜係好耐冇見嘅細龜（黃一山）都有嚟呀！佢同基仔攞住個《娛樂新聞眼》咪牌合照，真係好似返咗去細細個睇電視咁樣，基仔留言話：「來！假期來個回憶殺！娛樂新聞眼飯聚，超懷念～」
而黃一山都有上載照片上微博留言話：「90年代TVB皇牌節目“娛樂新聞眼”今晚在香港聚會晚餐，重遇當年拍檔古巨基，劉秀萍和一眾幕後工作人員，有些更是20多年未見，大家仍然健在，開心呀。」
(on.cc東網)
