藝人單立文2008年與胡蓓蔚拉埋天窗，今年就啱啱十周年，至今恩愛如昔。為咗慶祝二人結婚十周年，二人去咗中環食飯慶祝，胡蓓蔚喺社交網上載相片，見佢開心到捉住老公個頭張開口，真係好有愛。
佢仲用英文留言話首次約會已被對方寵壞，係佢令到自己做到自己想做嘅嘢，每次去旅行老公都問佢想去邊，食飯、睇戲都由佢話事，煮完飯佢仲會洗碗，覺得自己相當幸運咁話。
另一邊廂，單立文都有回應老婆話：「我10年前喺唔清醒嘅情況底下做咗一個決定，今日我已經……，其實結婚真係冇事嘅，人不Marry枉少年，我真係冇後悔呀。」
原來呢個飯局仲有好友李施嬅，佢都有上載飯局相片，仲祝佢哋十週年快樂，永遠都Keep住搞笑的甜蜜。繼續寵壞她。很難得，我是電燈膽，一起甜蜜吧。」
(on.cc東網)
