藝人余文樂（樂仔）到將軍澳電視城出席新劇《冒險王衛斯理》記者會，剛宣布太太王棠云懷孕、將榮升爸爸的樂仔，被問到心情如何？他表示：「暫時冇太大轉變，始終個BB未出嚟，平常心。（買定BB用品？）陸續開始買，但都交畀太太，我自己就唔知邊啲打邊啲！」
想要囡囡
樂仔表示未知BB性別，但自己較傾向生女：「自己想要囡囡多啲，不過我怕會唔想做嘢，想成日返屋企。（生女冧啲？）華哥（任達華）都有講起囡囡嘅嘢，係會掛心屋企啲，佢仲有恭喜我。」樂仔指太太有孕吐，可能身體仍未適應，而「樂嫂」將於香港分娩，問到是否已預約床位？樂仔表示交由家人處理，問到太太預產期時則繼續大賣關子。
有諗過停工
問到余爸爸跟余媽媽是否恨抱孫？樂仔說：「都開心嘅，但佢哋唔係第一次抱孫。（諗咗名未？）乜都未諗。（留到分娩先知BB性別？）可能性低啲，始終老人家八卦，我自己就OK。」問到今年會否預留假期陪太太？樂仔坦言恨有多一點私人時間：「都有諗過停工。（老闆唔批？）唔會，睇到時拍戲同工作上點安排。」
認為規矩只係規矩
問到與太太是否有共識生幾個？樂仔說：「唔好咁貪心，搞掂呢個先，太太真係好辛苦，突然有咁大舊嘢喺肚。」
對於有指樂仔是「雙喜臨門」，他表示：「我唔會刻意去解釋，先後次序唔代表乜，夠鍾意就可以，規矩都只係規矩。」
(on.cc東網)
