諸葛紫岐(Marie)今日喺觀塘apm出席彩蛋藝術館揭幕禮。
之前右腳腳面患骨膜炎嘅Marie着住波鞋現身，佢話：「好番好多，奶奶帶我去做物理治療，好開心奶奶陪我，佢好錫我。」Marie笑言奶奶依家會放阿仔喺第一位，自己當然唔例外，不過都要畀佢失敗吓，咁對囝囝係好事。 
Marie係郭富城嘅fans，依家城城生咗個寶貝女，問Marie想唔想同偶像對親家？Marie笑話：「都開心㗎，城城個人幾好，可以一齊玩，會好開心。不過都係要睇番小朋友意願，等個仔大個睇緣份，媳婦最好唔好激我，我都好驚婆媳關係唔好，因為我都有要求，最緊要對我好，唔好同我嘈，尊重老公人家好緊要，要心地好同孝順。」Marie仲話囝囝好鍾意靚女，尤其係金髮嘅鬼妹仔，問佢接受鬼妹做新抱嗎？Marie就話：「我冇所謂，不過老爺奶奶就傳統啲，未必鍾意。」Marie仲話會留番家傳之寶畀未來新抱，不過都希望多生個女，自己嘅嘢都畀晒仔女。
（Apple Daily）
