【笑到見牙唔見眼】 唔拍親子節目！我享受做湊仔公

藝人陳浩民與太太出席薛家燕的68歲壽宴，問到送甚麼禮物給家燕？陳浩民坦言沒有準備：「因為剛剛先返香港，唔想為買而亂買咁好冇誠意，所以會後補番畀家燕姐。」而浩民稱近日除工作就忙於湊家中四位小朋友，要頻頻出席「春遊」的親子活動，因子女不同學校又不同年級，所以，當中有三個是去遊公園、兩個是去淺水灣，全部都要父母陪伴出席，試過最忙一天是太太出席大女兒的運動會，他就負責「文職」去家長日，兩夫妻分工合作。

小朋友太多做家長都變得親子活動很忙？陳浩民不介意為子女頻撲：「唔似以前年代，依家學校主張家長參與，係要一齊去培育小朋友，所以會有好多親子活動，但自己都開心，因為自己唔會去安排呢啲活動，好似去生態園咁，有晒導賞好專業。」問到可會拍攝內地的親子節目？陳浩民稱暫時不會，因今年都忙於拍網劇，剛與林子聰成立公司，會投資拍攝一系列網絡電影，將會有5部要開拍。