現年43歲的歌手李玟（CoCo）與外籍老公Bruce恩愛出席香檳派對。
她表示日前剛完成在重慶舉行的巡迴演唱會，並透露在演唱會前，到紐約進行人工受孕抽取卵子，直言整個過程非常辛苦。
「本身好怕打針，但要自己打，原先要打10至14日，但期間身體冇反應，足足打咗3個星期，超過其他人。」她表示最後成功抽取一粒卵子，認為打針好恐怖，做女人並不容易。
摸住個肚嘅佢勁風騷！
問為何有此決定？Coco說：「自己喺屋企排行最細，兩個家姐都錯過機會，輪到自己就覺得係時候。」
她表示老公都知道過程好辛苦，但因他工作忙碌，由家人陪同進行打針療程，自己在過程中學會很多，並透露稍後要多做幾次抽卵療程。她坦言今次有少許後悔，認為可以趁再年輕些去抽取：「知道好多到50歲都可以生，以為自己好多時間，但原來超過35歲抽，啲卵子會冇咁好，超過43歲仲難，今次都上咗堂課。」
停工休息
她又謂今次咁難才抽到一粒，下次會有進步空間應該會容易些：「都知道成個步驟，要打三支好粗嘅針，本身以為做唔到，就鼓勵自己Can do it。（老公有冇錫番？）好似冇，希望今年至下年可以放番卵子入身體。（想生幾多個？）兩個，但呢樣係天賜禮物，最後冇都唔緊要。」她表示今年願望特別多，稍後會學鋼琴，並暫時停工休息幾個月。
(on.cc)
