42歲的藝人李璨琛（Sam）與時裝設計師太太梁志瑩（Pae）結婚五年，今日終於迎來首個愛情結晶品，恭喜晒！
恭喜李生李太！
李璨琛剛剛喺社交網宣布喜訊，並上載咗一張與BB小手拖大手嘅溫馨相，初為人父嘅李璨琛仲興奮地留言：「Welcome to this world my sweet！（歡迎嚟到呢個世界，我嘅小寶貝！）」
剛榮升老竇的李璨琛接受媒體訪問，他表示BB是女孩：「BB女星期日出世，自然分娩，重6磅9安士，母女平安，多謝關心，第一眼見到BB女時好感動。」唔少網友都留言送上祝福，而圈中好友葉佩雯、湯怡、黃芷晴等紛紛留言祝賀。
其實Pae於數日前曾發文指懷孕達40周，希望BB盡快出世，而星期日BB出來了，真是可嘉可賀！
早前，梁志瑩上載了超聲波照片到社交網。（資料圖片）
(on.cc)
