41歲嘅徐熙媛（大S）同老公汪小菲育有一女一子，2年前生囝囝嘅時候，傳出佢因為過量麻醉藥來降低生產疼痛，導致癲癇發作，入咗加謢病房，又試過因為生完囝囝之後賀爾蒙失調，心臟唔舒服，所以用咗好多時間去調理身體。到咗今日傍晚，大S傳出暈低，仲有救護車嚟到送佢入院，o依家就喺臺北榮民總醫院接受治療，有傳係因為癲癇復發所以發生今次事件。
有媒體問過大S媽媽，佢哀傷證實話：「沒事了，熙媛是因感冒引起癲癇復發。」之後都唔願多講就收咗線，大S今晚將住院檢查，直到康復再出院。
41歲嘅大S同老公汪小菲育有一女一子（微博圖片）
另外，有台灣傳媒傳大S今次暈低，係因為懷有第三胎，報道指大S嘅孕吐嚴重，原定聽日有工作在身，但因為身體有事而需要請假，仲話晏就嘅時間大S上吐下瀉，企都企唔穩。
（Apple Daily）
