藝人陳凱琳（Grace）到尖沙咀宣傳進入結局周的劇集《翻生武林》，她表示對收視有信心，估計大結局有26、27點。
Grace透露男友鄭嘉穎剛剛返港，及時追睇她主演的劇集：「佢會由頭開始追番，睇完仲同我講『原來你都有幽默感㗎』，講呢啲說話潤我，我話我梗係有啦，唔係點會同你拍拖？佢聽完又笑我轉數又快咗。（喺男友面前好靜？）唔係㗎，係我平時少拍喜劇，佢估唔到喎，拍喜劇係日日都好開心。（扮醜？）都好呀，好似蔡思貝之前個哨牙Look，食嘢同講對白都辛苦，但見到佢有成績，有回報嘅。」
問可會與嘉穎在復活節出遊？Grace表示：「我要去橫店拍《包青天再起風雲》，4月1日當日出發，拍十幾日，之後會去新疆外景，希望有機會騎駱駝啦！係我一個心願嚟。」
(on.cc)
