雖然做緊少奶奶，但係佢相當慳家，從來唔亂使錢，成個賢妻良母咁冇得彈！佢仲曬出自己四個幾月嘅孕肚，透露重咗幾公斤，但有網民就覺得佢。。。
藝人李蘊（Renee）日前宣布再為老公羅章冠懷上第二胎，透露現時佗B四個多月。
經常活躍於社交網嘅Renee，緊係唔少得紀錄自己嘅懷孕日記啦！
Renee雖然下嫁內地商人、做少奶奶，但係佢相當慳家，從來唔亂使錢，就算佗第二胎，Renee都係着番佗囡囡羅紫晞時嘅大肚裙，真係夠晒賢妻良母呀！
Renee將近照放上網同網民分享，並留言：「上胎d（啲）大肚裙又係時候要出動！著（着）得唔好嘥嘛。」
另外，Renee仲晒出現時嘅體重，透露自己已經重咗幾公斤，不過有網民就覺得Renee依家仲係好瘦，叫佢要食多啲呀！
(on.cc東網)
