喺F5嘅搶飛嘅世界，要睇網速同部機聽唔聽話，仲要個購票網系統喺繁忙時間都可以正常運作，機會率真係唔高。自從黃子華宣佈《金盆啷口》係最後一場棟篤笑，唔少fans已經嗌晒救命，諗今日點用信用卡優先訂「黃子華棟篤笑2018」，暫時開17場。
官方售票網AEG喺facebook出聲明指有不實購票相關Whatsapp訊息流出，提醒消費者勿誤信不實資訊。
不過唔少網民表示打電話唔通，上網亦只不停見「404、500、503- Internal server error」、「非常抱歉!伺服器擠塞」，真係睇到fans一殼眼淚，網民嘈咗成朝之餘，仲要見到有「黃牛炒價」，原價$880、$680、$480、$380、$280票價，最貴飛$880嘅黃牛價炒到每一張$1348-$2400，足足每張炒高至$1520，尾場貴飛甚至炒至1.5萬元一張，認真誇張，最平飛$280門票炒高3倍，有人開價$900賣。最離譜係有售票網相關假Whatsapp訊息流傳，搞到官方售票網AEG要喺facebook出聲明：「DBS信用卡『黃子華棟篤笑2018』優先訂票 特別聲明：有客戶向我們查詢，AEG是否曾有發出過購票相關Whatsapp訊息。
網上亦流傳有關代購嘅Whatsapp訊息。
唔少fans一朝搶飛，已經嗌晒救命。
AEG特此聲明所有Whatsapp短訊並非由本公司及職員發出，提醒消費者勿誤信不實資訊，小心受騙。」不過有網民指「我打咗600幾次電話，f5都按咗成千次，咁都叫正常，『正常』呢個字係點解」、「強烈要求以後所有飛都係實名制賣票」、「寧願唔睇都唔會接黃牛」。子華喺宣佈收咪當日被問會唔會有「絕望座位表」（即被主辦商扣起晒啲飛）？子華肯定咁講：「唔會！大家可以放心，我寧願騰出多啲位出嚟俾大家，應該有位嘅。」驚唔驚有黃牛？子華直言：「呢個冇得驚，呢啲應該會有，我都唔知應該邊一個有關方面要正視呢個問題，似乎係好犀利。」至於加唔加場，就要睇大家反應，四月會公開售票。
不過有幸運兒成功買到。
(蘋果日報)
