身兼香港毛皮業協會理事，有「皮草太子爺」之稱的王大業，笑言過往邀請出席該會周年晚宴的明星都喜事重重，繼鍾嘉欣和吳若希做完表演嘉賓後都結婚生B，之後雨僑亦將於3月底結婚。
對於姻緣旺氣都給了別人，王大業笑說：「過晒畀人，屋企人都放棄我，好彩我阿哥搞掂咗，不過自己都覺得如果生小朋友年紀都係問題，係就要快，以前我會定30幾歲，依家都37歲喇都唔得。（40歲前？）我唔敢再講數字。」
唔會試相睇
大會現場有相士占卜，王大業表示姻緣不會問卜，一切隨緣，並覺得相睇好老土，不會試。身為鑽石王老五的他，為何依然單身？他說：「我都冇鑽石，呢幾年都撞到人，但唔太合適。（之前拍散拖？）唔啱，嚟緊會係結婚對像，圈中人定圈外人都冇所謂。」
王大業話係就要快啦！
王大業覺得相睇好老土喎！
王大業想一切隨緣。
吳若希、王大業
王大業唔會去相睇。
譚嘉儀、王大業
(東方日報)
