張敬軒最近忙於準備演唱會，日前拍攝海報，更以「火燒頭髮」造型拍攝演唱會海報，看起來極危險，但最後軒仔絲毫無損，令人嘖嘖稱奇。
軒仔向來都係愛錫寵物之人，之前軒仔透露過為咗家中癱咗嘅愛犬，特登請咗工人返嚟照顧佢。不過日前軒仔嘅愛犬因年事已高而逝世，身為主人嘅軒仔連日嚟都喺社交網發文悼念愛犬嘅離去，今日佢又再喺社交網發文，指趁工作嘅空檔去為愛犬籌備其身後事，更表示不捨愛犬離去。軒仔留言：「終於有休息的一天，情緒終於有被照料的時間。過去這幾天的醒來和入睡之前的那些時候，實在是難捱得交關。午後，趁著（着）有時間，我前往百貨公司為老毛孩的最後一程，操最後的一次心。從來沒想過購物的過程可以這樣煎熬，下手觸及的每一張床單，每一張被子，心都像是針扎一樣…念頭也只有一個，希望他走得齊齊整整，乾乾淨淨，靚靚仔仔。離火化的日子愈近，不捨和思念就愈深。」
(on.cc)
