接受傳媒訪問，佢話自己一生多姿多采，相信好多人想知同想睇，仲話一直都有人叫佢出書：「寫書要好多時間，我想拍完電影先開始寫書。」
一生風流嘅趙世曾，呢日以卓能集團名義登廣告，宣佈拍《趙世曾傳記》，仲話要請幾十個明星，獎金更達100萬！
趙世曾仲話今次會係大製作，製作費甚至會過億，只要岩心水，過千萬片酬都會畀：「自己有心水演員，不過唔可以透露，要搵編劇寫呢個故仔，可以講係一個大投資。」
趙世曾話，故事將會圍繞佢一生，由奮鬥史講到感情生活：「我有一萬個女朋友，戲入面少不免有十個女友。」仲話如果反應好，會拍多集，但自己只會喺片尾出一、兩個鏡頭就算。
(sina)
