【Karina一歲啦！】謝安琪張繼聰孖仔女出巡幸福滿瀉

藝人張繼聰自上年囡囡張靖（Karina）出世之後經常女兒控發作，常於網上晒囡囡嘅可愛玉照，愛女之溢於言表！

呢日適逢Karina一歲生日，張繼聰就同老婆謝安琪帶埋一對仔女去主題公園開心番日！相中見到除咗見到佢哋一家四口勁Sweet勁溫馨，呢日生日嘅小公主真係非常精靈，阿仔張瞻仲高大咗好多，而索人妻謝安琪只係薄施脂粉都好靚好有氣質！

唔少網民紛紛留言送上祝福，不過都有為數不少嘅網民錯咗Focus，大讚阿聰谷爆衫嘅胸肌同埋強勁嘅臂彎。

(on.cc東網)