有報導指其實係因為宮外孕，陰道出血，所以要即時做手術，否則會有生命危險，只好做手術保命，但佢就絕口不提懷孕一事，原來係因為一個人。。。
台灣藝人安以軒日前突然於微博報平安，指自己因為急病，醫生話要即時做手術，否則會有生命危險，但安以軒一直未有透露自己所患何病，而台灣《壹週刊》報道則指安以軒係宮外孕，陰道出血，急需做手術保命。其實安以軒對懷孕一事絕口不提呢，原來係為咗另一個人。
今日台灣《壹週刊》報道指，安以軒於21日由大陸返台灣，由澳門百億身家老公陳榮煉及雙親陪同下入院，期間丈夫對安以軒寸步不離，不時為佢整理棉被，盡現擔心之情。其實去年佢哋結婚不久嘅時候，就傳出陳榮煉今次係再婚，與前妻育有一名8歲女兒，但當時安以軒就話佢老公都係「第一次結婚」，但對女兒一說輕輕帶過，沒有承認亦未有否認。
對於老公同舊愛育有嘅8歲女兒，報道引述知情人士話，安以軒其實好錫呢個囡囡，且與陳榮煉結婚前，已視對方女兒如己出，令陳榮煉十分感動。但做後母實在不易，仲要企喺小朋友嘅角度去諗，知情人士話，安以軒覺得8歲嘅小朋友已經會上網睇新聞，佢唔想個女覺得爸爸好急咁想生另一個BB、分薄咗佢嘅愛，所以安以軒就唔想公開講懷孕嘅事。
台灣《壹週刊》再向安以軒嘅經理人了解，對方回覆稱都係睇安以軒微博先知佢做咗手術：「我傳了訊息給她，但她應該身體還很虛，沒有回覆我，所以不清楚是否為子宮外孕，我們都很緊張，也謝謝大家關心。」
(蘋果日報)
