名模Amanda S.噚晚喺淺水灣出席晚宴，透露爸爸月初喺瑞士接受安樂死，Amanda坦言最初好難接受，不過接受咗之後，一家人過咗一個好好嘅時刻，Amanda S.話：「其實我好掛住佢，不過都開心佢唔使再受苦，睇住最愛嘅人受苦好心痛。」
啱啱經歷喪父之痛嘅徐若瑄，今日亦都有喺fb轉發呢段報道，跟住仲留言話：「今天我告訴家人們，若能選擇，以後我若生不可治癒絕症、請『絕對』送我去瑞士「安樂死」，我要美麗、平靜、好好和我愛的人道別說再見的死去，我不要做插管、氣切⋯等這些讓肉體再受痛苦並折磨的事，也不要再給身邊愛我的人們各種負擔⋯ #祝我們都健康平安」
唔少網民留言都好支持徐若瑄呢個諗法，有人說：「長時間躺病床過的人特別能體會真的」亦有人話：「我也希望別給別人負擔，走的也有尊嚴」
(蘋果日報)
