喺2008年證實患有心臟二尖瓣膜脫垂症以及閉鎖不全等症狀，曾一度停工休養，今日突然PO咗兩張相令粉絲好擔心，不過佢就話係因為突發狀況需要入院做個手術，如果唔係就會有生命危險。。。
台灣女星安以軒最近憑內地劇集《獨孤天下》人氣急升，佢今日突然喺微博上載兩張醫院相，相中見佢插住喉瞓喺病床上面，非常令人擔心。佢喺留言度報平安，佢話：「因為醫生大人說這個突發的狀況需緊急優先處理，否則會有生命危險，所以必須做一個『小手術』。」
佢仲提到本身冇打算公開做手術嘅事，但因為影響到工作，所以先同大家交代。最後，佢表示自己已無大礙，並有屋企人照顧，叫大家放心。
其實安以軒喺2008年證實患有心臟二尖瓣膜脫垂症以及閉鎖不全等症狀，曾一度停工休養，復工後更有傳喺拍攝劇集時病發，好彩及時治理並無大礙。
(on.cc東網)
