同陳茵媺一向老友鬼鬼，諗住約埋一齊開生日P，佢仲話努力撮合緊囡囡同陳豪大仔，佢笑言之前問過茵媺會唔會追第四胎，茵媺當時就答。。。
黃柏高、劉浩龍、劉倩婷同沈震軒今日到屯門參與「仁愛堂共築健康新界西2018暨服務開展典禮」，劉倩婷同老公李丞責最近為囡囡劉仠辰忙搵幼稚園，同準備面試，幸好囡囡最終考入心儀嘅幼稚園。
劉倩婷日前相約陳茵媺等好姊妹嘅仔女一齊開生日派對，佢笑言：「我正在撮合我女同陳豪大仔……做朋友。」
佢笑言之前問過茵媺會唔會追第四胎，茵媺當時就話留待劉倩婷追夠三胎，茵媺先考慮會唔會生第四胎，不過倩婷坦言暫時唔考慮再生，等囡囡再大啲先。
陳茵媺同劉倩婷一向老友鬼鬼，前年劉倩婷同李丞責曾去陳豪間舖撐場兼po相去上網。
(蘋果日報)
