藝人張景淳憑住《愛·回家之開心速遞》「龔燁」一角而人氣急升惟因另有工作安排而要暫時離「家」告别劇組。前晚《愛》劇講到景淳因為幫呂慧儀食死貓，最後要辭職離開香港去新加坡，作為佢「消失」嘅原因。
唔少網友都話好鍾意佢同「熊若水」呂慧儀呢條線，喺景淳個社交網站洗版，紛紛留言話好唔捨得！
大批網友大玩「龔燁」個諧音，喺討論區發起「工業行動」，開Post要求景淳快回家！面對網友咁「激進」，景淳接受電話訪問時都話估唔到，他說：「我嚟緊因為有其他工作，所以公司有呢個安排。龔燁係以一個賤精加入《愛》，網友愈睇愈鍾意。我雖然只係拍咗四個月，但成個團隊氣氛好好，呂慧儀係我過去咁多套劇入面最有默契嘅對手，因為大家都好明白大家嘅演繹方式，真係好有火花！」
張景淳話呂慧儀係佢過去咁多套劇入面最有默契嘅對手！
因為佢哋都好明白大家嘅演繹方式～
講到大批網友要景淳快回家，問到景淳咁幾時回家呀？他說：「我見佢哋集氣又喺討論區開Post講，真係好緊張，自己好感恩好開心，其實我自己心情都佢哋一樣，『龔水』呢條線有冇得繼續就要睇緣分，大家要繼續睇落去。」
早年景淳係因為劇集《天與地》嘅家明而令人熟悉，問到覺唔覺得今次脫離家明影子？他說：「因為『家明』嘅性格元素例如易恰等，都有注入『龔燁』呢個角色，所以今次我覺得『家明』係萬能Key！估唔到網友咁大反應，真係要多謝編劇同監製，冇佢哋冇我。」
大家都好想睇呢條「龔水」線繼續發展呀！
雖然張景淳只係加入劇組短短四個月。
(ON.CC)
