今日驚爆傳出男演員突然入院，據友人指「因膽部結石發炎，肺部感染，期待第一關48小時不發燒」，據台灣報道指87歲台灣男演員孫越上個禮拜住院，目前病情穩定，至於幾時出院，仲要經由院方評估。
友人張小燕以簡訊回應傳媒稱：「昨天有問候過，這是王念慈傳給我的。」呼籲外界俾孫越靜養，佢又代孫越友人王念慈發短訊報平安，「住院，好多了。原本只是膽囊結石，但引起發炎，肺部又感染，一度有點緊張，但現在一切恢復正常，可以放心。目前等抗生素產生作用，再處理小結石問題，所以怕再感染，暫時不能會客，過幾天穩定下來，再通知您。會轉達孫媽媽，感謝」。
孫越於1949年隨中華民國國軍去台灣，加入裝甲兵「水牛劇團」開始演藝生涯，1962年參演首部電影《白雲故鄉》，其後多次扮演反派角色，1969年演《揚子江風雲》獲第7屆金馬獎最佳男配角，1959年與老婆尤晶瑩結婚，婚後生咗一仔一女，1989年退出商演，投入慈善工作，主要義務演出，包括做節目主持同拍廣告；人稱「孫叔叔」嘅孫越熱心公益，曾主持唔少兒童節目，又為有聲書配音，係台灣80、90年代嘅童年回憶。
晚年孫越罹患肺腺癌、慢性肺阻塞等，多次出入醫院，最近因脫肛住院，一直由尤晶瑩不離不棄、細心照顧，孫越曾喺報道中講分享56年婚姻甜蜜嘅秘訣，當年決定結婚嗰刻，心中只係有三個字嘅信念就係無論發生情況都絕對「不離婚」。
(Apple Daily)
