【唐文龍唱歌】唐文龍唱番自己經典歌《我要怎麼知道你愛我如果你永遠不說》，飆晒高音認真肉緊呀！#morehk #唐文龍 #男神 #我要怎麼知道你愛我如果你永遠不說 #歌名好長呀影片來源：無綫電視片段↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓Like MORE FB：www.facebook.com/morehk.hkFollow MORE IG：www.instagram.com/sundaymore_
由 more 发布于 2018年3月19日
講到男神，一定唔可以唔提早前憑無綫劇《溏心風暴3》而人氣爆燈嘅唐文龍（Michael），皆因劇中佢不時大晒44吋胸肌，個樣咁多年都冇變過，好似食咗防腐劑一樣，好多觀眾都話依家嘅佢多咗份男人味，簡直Man爆！
參加過新秀
不過其實Michael除咗係實力演技派，原來都係唱得之人，佢喺1993年參加過新秀歌唱比賽，喺台灣出過國語唱片。近日佢上無綫節目《流行經典50年》，唱番當年佢喺台灣發行首張唱片入面嘅歌曲《我要怎麼知道你愛我如果我們永遠不說》，而無綫TVB Facebook官方專頁就上載咗呢段片畀觀眾重溫。其實唔少網民見到Michael首歌嘅歌名咁長嘅時候，都話覺得好搞笑。
眼神迷倒網民
到Michael一開聲，大家即大讚有料到喎！最緊要係Michael一口氣唱出成17個字咁長嘅歌詞，完全面不改容，唱得不知幾咁投入同深情，講真你估中間冇抖氣位，係咁易唱咩，要有番啲實力先唱到㗎！網民睇完呢段片唔止畀Michael嘅眼神迷倒，仲話愛你嘅說話一定會講出口，Love you，大家都係冷靜啲先！
網民有話兒：
KCXVBXXM：唐文龍依然有台風。
GIVVWXASXX：靚仔有型之外仲要唱得咁好。
NXXLE LXI：成熟男人魅力十足。
DISAXZZ BXX：水蛇春咁長嘅歌名，好好笑！
