26歲藝人李蘊與內地商人羅章冠於2015年結婚，翌年誕下女兒羅紫晞，她剛在社交網自爆又有孕，身在廣州的李蘊接受傳媒電話訪問，問到是否剛知道有喜？她笑說：「唔係，我比較保險嘅。（過咗三個月安全期？）係，已經4個月多啲，預產期係8月尾。（知道仔定女未？）未係睇得好清楚。（想追番個仔？）呢個每個人都想有仔有女，好似圓滿啲，但真係冇乜所謂，係個天畀禮物我。」
李蘊坦言今胎都算是計劃當中，她說：「一個都係唔夠，咁咪順其自然。」曾經講過想30歲前生多幾個，她笑說：「生完呢個先再講，湊小朋友係唔容易。」李蘊透露她屆時會返港生B及會自然分娩，她說：「我鍾意自然分娩個感覺，嗰種痛忍受到，既然試過咪試多次囉。」
遲啲返香港安胎
懷孕後可有甚麼大反應？如嘔吐等等，李蘊說：「我係反應細嘅人，只係冇乜胃口，不過依家已經正常。」女兒可知道她有喜？她笑說：「佢依家1歲10個月大，佢都明㗎，成日攬住我個肚叫BB，又會攬住佢嚟錫。（佢想要弟弟定妹妹？）佢逃避我呢個問題，我次次問佢，佢就話要媽媽。」她坦言老公及家人知她再有孕都開心。目前長居廣州的她，每個月產檢都會返港，她說：「都唔會太頻撲，不過臨尾嗰兩、三個月就會返港安胎同準備隨時生。」她透露已通知了女兒契媽何超蓮及G.E.M.，當然兩位好友都戥她開心。
(ON.CC)
