樂易玲透露今年無綫及邵氏將會開拍電影及網劇各三至四部，最近有傳婚變的樂易玲被問會否忙得沒有時間打理屋企？她說：「不嬲都咁忙。（老公陳君毅有冇詐型？）佢仲忙過我啦，咁多年都冇詐型，可能佢放棄咗。（離婚？）答過唔再答，低調處理，我又唔係幕前，總有解決嘅辦法。」
被問與老公關係可有轉變？樂易玲擰頭否認有改變。問可有與丈夫靜心傾談過？她說：「冇傾，當冇事發生，隨遇而安，唔解決都係一個解決嘅方法，忙埋先啦都咁多年，忙呢個問題一直都存在，忙極都要幫我照顧屋企，大家夾手夾腳，中國人好傳統，屋企有好重要嘅地位，大家都咁嘅年紀，有啲嘢唔使追問，不過…不過…不過…我揀得嘅對象都唔錯，就算有人欣賞佢、崇拜佢，咁多年都有啦，我唔覺得有啲咩問題，做好自己先。（係咪有第三者？）我唔知，我覺得冇囉。（逃避問題？）唔係逃避，有人崇拜佢，我亦都有，佢都唔擔心我，我使乜擔心佢，咁大個人有分寸，我都OK㗎嘛。（信任佢？）除咗信任佢之外，我都信任自己。」
（on.cc）
