藝人胡杏兒做咗媽媽之後真係好忙，不過幾忙都好，都會下廚煮番兩味氹吓老公李乘德開心嘅。
日前，老公李乘德喺社交網上載咗太太為佢下廚整幾味嘅相片，見到胡杏兒就喺啲餸面前高舉手指公，搞到李乘德都話佢好招積。
不過各位網友都將重點放咗喺胡杏兒個髮型度，因為佢戴咗個頭箍將啲頭髮ALL BACK向晒後，網友發現佢個髮線位原來好後，話真係估唔到。唔通產後有嚴重脫髮危機？
結果「胡杏兒髮線」就成為咗網民熱烈討論話題。胡杏兒原來都有留意，終於忍唔住要喺社交網發文講番幾句，佢話「其實我的髮際線一直都這麼後，只是大家沒注意到而已，大家不用害怕，孩子照樣可以生。」
(IG / ON.CC)
